Hvernig á að nota tilvísunarfornafnið "sem"?

Þegar ég var í barnaskóla var okkur kennd málfræði, til dæmis hvernig nota bæri tilvísunarfornafnið "sem".í dag virðist, sem þessi kennsla hafi verið lögð niður,eins og sjá má í þessarri frétt.

Blaðamaðurinn ætlaði að segja að fyrsti metanólbíllinn hafi verið fluttur til Evrópu en ekki að fyrsti bíllinn hafi verið fluttur til Evrópu og að hann gangi fyrir metnóli. Þetta minnir mig á þegar við bekkjarsystkynin vorum að grínast með þetta og bjuggum til auglýsingar, svo sem "borðstofuborð til sölu hjá konunni á Grettisbötu 14, sem er með sverar,útskornar lappir."

 

Fyrsti metanólbíllinn í Evrópu

"Lýðheilsa almennings" og "jarðlestir"

Þessi frétt er illa þýdd. Það verður að kenna fréttaþýðendum að endursegja efnið en ekki að þýða orð fyrir orð.

Orðið "jarðlest" er nýyrði, þessar lestir hafa alltaf verið kallaðar "neðanjarðarlestir" en ofanjarðarlestir kallaðar sporvagnar, séu þær á götum.

"lýðheilsa almennings" er "tátólógía" sem kallað er, tvítekning.

 

Gömlum bílum úthýst

Röng fyrirsögn

þessi fyrirsögn er röng. Konan ól telpuna upp SEM sitt barn,það er, lét eins og hún væri

raunveruleg móðir hennar. Hin fyrirsögnin merkir að hún gerði eins vel við telpuna eins og hún væri hennar eigið barn.

Ól stúlkuna upp eins og sína eigin

Fyrir skömmu?

Mér finnst það villandi að segja að lögreglan hafi handtekið mannninn "fyrir skömmu". Mér finnst það orðalag merkja það sama og "nýlega" en í fréttinni kemur fram að maðurinn var handtelinn eftir morðin. Betra hefði verið að segja "þegar handtekið". Hvað finnst ykkur hinum?

Myrti sex af handahófi